Der Froschmuun

Heit fangt der Froschmuun uff em Deitsche Muunraad aa. Darrich Urglaawischi Rechenschaft iss der Froschmuun der fimft Neimuun nooch die Oschdre. Fer Leit, die newe me Wasserloch adder re Dell wuhne, watt de Fresch ihre Schtimm glaar aa de schwuhle Summerowed gharicht.

Die, wu unnich em Froschzeeche gebore sinn, schpiggle ihre bezeechendes Gedier, laafend wie en gleeni, ruhichi Form aa, un wandlend, wie en Uffgwaxni, in en wohlbekannti (vielleicht aa iwwerheiflendi) Schtimm. 

Es gebt deel aabassungfehiche Zeeche am Muunraad, un der Frosch schteht zwische denne. Ebwohl en Frosch uff em Land lewe kann, braucht er schtarrick Wasser, um iwwerzulewe un sich zu vermehre. Die Erkenning vun unsere Nutz -- un Schutz -- vun de Wassermittel iss zum Volkbewusschtsei en wichticher Bschtanddeel in daere Yaahrzeit.